ఆంజనేయస్వామి కి పెళ్లి అయ్యిందా?

ఆంజనేయుడు నిత్య బ్రహ్మచారి అనే విషయం మనకు తెలిసినదే. కానీ ఆయన సూర్యుని వద్ద సకల శాస్త్రాలు నేర్చుకునేటపుడు, వివాహితులు మాత్రమే నేర్చుకోవలసిన కొన్ని శాస్త్రాలను నేర్చుకోవడానికి వీలుగా, ఆంజనేయుడు సూర్యుని కుమార్తె అయిన సువర్చల ను వివాహమాడాడని, అయినను ఆయన బ్రహ్మచర్య దీక్షకు భంగం వాటిల్లకుండా సూర్యభగవానుడు  ఆయనకు వరం ఇచ్చాడని చెప్తారు. ఇది నిజమా లేక పుక్కుటి పురాణమా అనేది తెలియదు. ఏది ఏమైనను మన ఆంజనేయుడు నిత్య నూతన బ్రహ్మచారి, సర్వదా పూజనీయుడు